• Ein cefndir
• Newyddion
• Gwyliwch allan
  • Cynorthwyo Gwyliwch Allan
  • Adnoddau ar gyfer y Gymened LHD
    • Ymuno â ni
    • Ysgrifennu at y Golygydd
    • Ysgrifennu datganiad i'r wasg
    • Gwneud Cyfweliadau gyda’r Cyfryngau
    • Cysylltu gyda’r Cyfryngau
  • Adnoddau ar gyfer Newyddiadurydd
  • Ffurflen Astudiaeth Achos Stonewall Cymru
  • Cysylltu Gwyliwch Allan
• Ymgyrchoedd
• Ein cefnogi
• Traws cambria
• Gweithle
• Cronfa wybodaeth
• Digwyddiadau
• Cysylltwch a ni

Ysgrifennu at y Golygydd

Cyflwyniad

Ydych chi wedi gweld erthygl neu lythyr mewn papur newydd neu gylchgrawn sydd wedi eich siomi? Neu efallai i chi weld un sydd yn portreadu'r gymuned LHD mewn ffordd gadarnhaol?

Os felly, mae'n bwysig i chi leisio'ch barn.

Mae 'Llythyr at y Golygydd' yn ffordd ardderchog i unioni straeon niweidiol, dechrau trafodaeth fywiog a hybu agweddau cadarnhaol am y gymuned LHD.

Dyma ganllaw Gwyliwch Allan i ysgrifennu llythyr da, gan roi awgrymiadau am ffyrdd o gynyddu'r siawns o weld eich llythyr yn cael ei gyhoeddi.

1. Cadwch yn gryno

• Mae llai na 150 o eiriau yn ddelfrydol. Bydd unrhywbeth hirach na hyn yn cael ei gwtogi, efallai gan golli eich prif bwynt!

2. Nodwch yn glir pa stori yr ydych yn cyfeirio ati

• Rhowch y dyddiad, pennawd, cyhoeddiad a rhif y dudalen

3. Dewiswch ambell bwynt allweddol yr ydych am eu codi

• Ceisiwch osgoi ymateb i bob mater sydd wedi eich siomi neu'ch  plesio. Bydd un prif bwynt y llythyr yn fwy effeithiol. Os oes gennych fwy nag un pwynt - annogwch gyfaill i ysgrifennu am y llall.

4. Byddwch yn glir am y rheswm yr ydych yn ysgrifennu

• Rhestrwch beth sydd wedi eich digio. Yr iaith a ddefnyddiwyd? A oedd y naws yn eich siomi? A oedd y ffeithiau yn anghywir? A oedd yn erthygl cytbwys?
• Byddwch yn benodol ac ewch yn syth at y pwynt.

5. Peidiwch â defnyddio iaith ymosodol neu sarhaus

• Mae agwedd rhesymol yn llawer mwy tebygol o gael ei gymryd o ddifrif.

6. Byddwch yn sicr o'ch ffeithiau

• Ydych chi'n hollol sicr bod eich pwyntiau yn ffeithiau ac nid yn fater o farn? Oes modd eu cadarnhau?

7. Byddwch yn glir am sut yr hoffech weld y mater yn cael ei drin

• A ydych eisiau gweld erthygl arall yn cael ei ysgrifennu sydd yn delio gyda'r pwyntiau a godwyd gennych?
• A ydych eisiau i'r golygydd ail ystyried yr erthyglau / llythyrau y maent yn eu hargraffu?
• A ydych eisiau gweld ymddiheuriad/cywiriad yn cael ei gyhoeddi? Os felly, bydd angen cadarnhau geiriad yr ymddiheuriad/cywiriad  a phryd y bydd yn ymddangos.

8. Cofiwch gynnwys eich enw a'ch cyfeiriad bob tro

• Gallwch ofyn am beidio â chyhoeddi eich manylion os ydych yn teimlo y gallech gael eich gosod mewn sefyllfa o berygl.
• Os nad ydych eisiau i'ch llythyr gael ei gyhoeddi ysgrifennwch NID AR GYFER EI GYHOEDDI ar y top.

9. Ac ar ôl anfon eich llythyr, anfonwch gopi at Gwyliwch Allan.

• Rydym eisiau clywed eich barn. Rydym am adeiladu darlun o'r holl sylw yn y wasg sydd naill ai wedi eich plesio neu eich siomi. Yna gallwn ddechrau gwneud rhywbeth am y peth. Cliciwch yma i gysylltu gyda Gwyliwch Allan.